U.S. Alta Badia schreibt nun mit

Nun haben wir auch ladinische Freunde hier in unserer Blogrunde. Die Kicker aus Alta Badia haben auch eine eigene Homepage wo sie in Ladinisch ständig aktuelles über den Verein berichten.

Also hier der erste Bericht zum Spiel gegen St. Martin in Thurn:

A San Martin ne sun nia bogn da davagnè
La sajun da d’altonn se rüva cun n’derby da tröć goi.
La scuadra dl’Alta Badia süga l’ultima partida dla prüma pêrt dl campionat fora de ćiasa cuntra la scuadra dl San Martin. La scuadra de ćiasa dominëia dal mëtman le jüch, tl 2^menüt và na trata de n’atacant dl San Martin sön la traversa.

Tl 6^menüt ciafa l San Martin na puniziun, la trata và sura porta fora. I śogadusc de ćiasa fej inant presciun, se lauran fora plö ocajuns, che ne vëgn nia anuzades. Nösc śogadusc prô da se organisé le jüch y da se fa prigorusc dan porta. Tl 37^menüt el Marco Rossini che porta inant l palon y l tira ite te area, Matthias Stampfer l deviaia ite tla rëi. La scuadra de ćiasa ne lascia nia dô purvan da arjunje la paritè.

Tl 46^menüt esi bogn da se portè söl 1 a 1, dô na trata söla traversa vëgn deviè le palon te ćiamp, n atacant l tira tla rëi.
Ince tl secundo tëmp el le San Martin che se fej plö iadi prigorus, tl 19^y tl 23^menüt mëti dui iadi l palon tla rëi y se porta insciö söl 3 a 1. I nösc śogadusc ne perd nia le coraje y prô ciamò da se laurè fora val bona ocajun, sëgn finalmënter ti garetl plö gunot. Tl 43^menüt ciafi n önescmetri, che Matthias Stampfer tira tla rëi. Ti ultimi menüć ti la mëti düta y se fej plö iadi prigurusc dan porta, mo le San Martin è bun da se parè. Insciö se rüva la partida söl 3 a 2.
Ince sce la devënta dl San Martin è miritada dejplejl da udëi l cumpurtamënt de val spetadus de ćiasa (ince dër jogn) che insultëia plö iadi l’arbiter y ince val śogadusc dl’Alta Badia.

San Martin - Alta Badia: 3 – 2

Formazion dl’Alta Badia: 1. Martin Pitscheider (al 67^ Luca Massa), 2.Florian Clara, 3. Devis Vittur, 4. Simon Dapoz (capitan), 5. Samuel Vittur , 6. Stefan Felder, 7. Matthias Frontull (al 51^Manuel Stampfer) 8. Alex Stampfer (al 73^ Manfred Castlunger), 9. Oskar Clara (al 70^ Romeo Costa), 10. Marco Rossini, 11. Matthias Stampfer

Alenadù: Luca Massa

Goi pur l’Alta Badia: Matthias Stampfer (al 37^ y al 88^)